Miljørettleiar ved Nyhagen

Vil du bidra til meistring, aktivitet og ekte arbeidsglede?
Då kan dette vera stillinga for deg!

Nyhagen arbeid- og aktivitetssenter tilbyr eit meiningsfylt dagtilbod til personar med ulike funksjonsvariasjoner. No har me flytta til nye, fine lokale på Vetleflaten, og er i full utvikling med å skapa eit endå meir variert og spennande aktivitetstilbod.

Hjå oss får du vera med å forma kvardagen til menneske som treng det, gjennom aktivitet, fellesskap og gode opplevingar.

Me søkjer etter:

• 100 % stilling som miljørettleiar frå 01.09.2026
• Arbeidstid mandag til fredag kl 08.00-15.30

Arbeidsoppgåver:

• Bistå deltakarar i daglege aktivitetar ved dagsenteret
• Delta i tenesteutvikling og tilføre nye aktiviteter etter behov
• Bruke ASK som kommunikasjonsverktøy
• Dokumentere i Aidn journalsystem (opplæring vert gitt)
• Skapa tryggleik, struktur og gode relasjonar
• Vera ein tydeleg rollemodell og støtte for deltakarane
• Samarbeide tett med kollegaer og pårørande

Kvalifikasjonar:

• Vernepleiar eller anna relevant høgskuleutdanning (Bachelor i helse/sosial, pedagogikk, idrett/fysisk aktivitet m.m)
• Personlege eigenskapar som vert vektlagt:
• Er kreativ og likar å tenkje nytt
• Har engasjement for aktivitet, meistring og brukarmedverknad
• Arbeider sjøvstendig og tek ansvar
• Er samarbeidsorientert og bidreg positivt i arbeidsmiljøet
• Er trygg, strukturert og målretta
• Har vilje til fagleg utvikling og lære nye metodar

Me tilbyr:

• gode vilkår for fagleg utvikling
• eit godt tverrfagleg og sosialt miljø
• yrkesskade- og gruppelivsforsikring
• gode pensjonsordningar
• løn etter kommunalt avtaleverk og elles tilsetjing på vanlege kommunale vilkår
• Rekrutteringstillegg for nytilsett vernepleiar kr 16 000,-
• Godkjend politiattest må leggjast fram før tiltreding i stillinga

Søknad

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. Me oppmodar menn til å søkje

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver vennleg og legg ved vitnemål og attestar som vedlegg til søknaden.