Fagarbeidar

Vossestrand barne- og ungdomsskule har ledig 100 % fast stilling som  fagarbeider med tilsetjing snarast. Stillinga føl skuleåret, det vil seia at du har "fri som skulen". Stillingsstorleik 100 % % med reduksjon for stilling som fylgjer skuleåret til 89%  i løn etter SFS 2201 pkt. 3.5. 

Om arbeidsstaden

Vossestrand barne- og ungdomsskule er ein kombinert barne- og ungdomsskule, som ligg på Sundve, omlag 20 kilometer nordaust for Voss sentrum. Skulen har eit flott uteområde som er tilrettelagt for leik og aktivitet.
Skulen arbeider heile tida med kvalitetsutvikling for å kunne gje elevane våre eit godt læringsmiljø både fagleg og sosialt.
Vossestrand skule tilbyr leksetid til elevar i 5.-10. trinn

Me tilbyr

• gode vilkår for fagleg utvikling
• eit godt tverrfagleg og sosialt miljø
• gode forsikrings- og pensjonsordningar
• løn etter kommunalt avtaleverk og elles tilsetjing på vanlege kommunale vilkår

Kvalifikasjonar

• Fagbrev som barne- og ungdomsarbeidar, anna relevant kompetanse eller erfaring kan kompensere for dette.
• Gode norskkunnskapar, både skriftleg og munnleg.

Me ynskjer

• At du tek ansvar, er strukturert og kan handtere ein hektisk arbeidskvardag. Er engasjert og positiv.
• At du er tydleg overfor elevane, samt ein god rollemodell som bygger gode relasjonar, lyttar og ser deira behov.
• At du du bidreg til godt arbeidsmiljø.
• At du er god på relasjonskompetanse. Det er viktig med gode samarbeidsevner og god kompetanse på tilrettelegging for elevar eller grupper med behov for ekstra støtte.

 Arbeidsoppgåver

• Arbeidsoppgåvene vil i størst grad vera knytt opp til skule og SFO, med oppfylging av borna i undervisning, aktivitet og leik.
• Vere med på å oppretthalde og utvikle eit trygt og godt skulemiljø, både i undervisningstid og i friminutta
• Samarbeide med pedagogisk personale og andre fagarbeidarar/ miljørettleiarar om undervisningsopplegg som skulen og lærarar har utarbeidd for elevane
• Hjelpe til med daglege gjeremål, oppmuntre, snakke med, rettleie, støtte og motivere elevane
• Vere ein omsorgsfull rollemodell

Godkjent politiattest må leggjast fram før tiltreding i stillinga.

 Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
 
Ber om at du lastar opp vitnemål og attestar i søknaden.