Voss herad har ledig 100% fast stilling

 Barne- og Familiehjelpa søkjer miljøterapeut med kompetanse og erfaring i TIBIR og familierettleiing.

 Voss herad  har oppretta Barne- og Familiehjelpa for å styrka den førebyggjande innsatsen retta mot barn og familiar. Fagfolk som yt hjelpetiltak direkte inn mot barn og familiar relatert til samspel og/eller åtferd skal no samlast. Dette med sikte på meir presise tiltak, betre utnytting av fagkompetanse og betre koordinering av tenester. Det overordna målet er å gje samkøyrte tenester utan brot i oppfølging. Innbyggjarar og tenester skal kunne ta kontakt direkte etter ein "ei dør inn-modell". Eininga vil omfatta psykologtenester, PMTO-terapeutar, familieterapeutar og rettleiarar, miljøarbeidarar, EM-tiltak m.v. Totalt omlag 25 personar.

Informasjon om stillinga:

Barne- og Familiehjelpa er no i behov av ein medarbeidar i fast stilling  som miljøterapeut. Kompetansen til tilsette skal nyttast både på lågterskel og  tiltak på vedtak i frå barneverntenesta. Noko ettermiddag og kveldsjobbing må påreknast i periodar.

Du vert ein del av ei aktiv og kompetent faggruppe med ansvar for rettleiing, rådgjeving og miljøterapeutiske tiltak.

Barne- og Familiehjelpa

Barne- og Familiehjelpa er eit lågterskeltilbod for innbyggjarar i Voss herad. tillegg støttar tenesta andre kommunale einingar i dei tilfella det er tenleg. Tenesta jobbar og på vedtak frå barneverntenesta.

Voss herad tilbyr:

• Eit uformelt, hyggeleg og profesjonelt miljø
• Gode vilkår for fagleg utvikling
• Løn og pensjon etter kommunalt avtaleverk og elles tilsetjing på vanlege kommunale vilkår
• Ein kultur der me deler kunnskap og erfaring med kvarandre
• Eit utviklingsorientert arbeidsmiljø, både personleg og fagleg
• Gode forsikrings- og pensjonsordningar 

Kvalifikasjonar:

• 3 årig helse- og sosialfagleg utdanning (barnevernspedagog, sosionom eller vernepleiar)
• Erfaring frå miljøterapeutisk arbeid inn mot familiar, barn og ungdom
• Erfaring frå  familierettleiing
• Gode norskkunnskapar munnleg og skrifteleg, gjennomført B1-prøve
• Anna språkleg kompetanse er positivt
• Personlege eigenskapar vil verta vektlagt

 Dersom du har erfaring frå TIBIR og utdanning innan sinnemeistring er det ein fordel.

Søkjer du arbeid hjå oss og har ein partner som gjer det same, finn du mange spennande stillingar i Voss herad her: Voss herad - Våre ledige stillingar (easycruit.com)

Arbeidsoppgåver: 

• Miljøterapeutisk arbeid inn mot familiar, barn og ungdom i heim og nærmiljø
• Rettleiing i grupper
• Rettleiing individnivå
• Jobbe saman med andre hjelpeinstansar for å danne laget rundt barnet.
• Ettervern
• Gjennomføring av familierettleiingskurs
• Oppfølging av ungdom og foreldre

Me ynskjer deg som: 

• deg som blir motivert av ansvar, arbeider sjølvstendig, er trygg i vaksenrolla, og som kan ivareta ungdomane og deira behov på ein god måte
• deg som har hjarterom og god evne til å knytte relasjonar
• deg som er fleksibel og trivst med utfordringar, og har hurtig evne til omstilling
• du må ha toleranse, vidsyn, og evne til å sjå løysingar, kombinert med humor og evne til å by på deg sjølv. Dette er eigenskapar som blir høgt verdsett hjå oss
• gode kommunikasjons og samarbeidsevner
• deg som er ein god lagspelar
• sertifikat kl. B

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje. Ber om at du lastar opp vitnemål og attestar i søknaden. Hugs å gje opp referansar. Godkjend politiattest må framleggjast før tiltreding i stillinga