Byggesakshandsamar

Har du lyst til å vera ein del av eit aktivt team på 5 personar innan byggesak som vil vera med på å utvikla Voss? Me søkjer etter byggesakshandsamar som vil ha fokus på god og effektiv sakshandsaming og god dialog med innbyggjarane. Byggesak og næring er organisert under kommunalavdeling for tekniske tenester. Kommunen har for tida stor aktivitet innanfor sentrumsutvikling, reiseliv, fortetting, bustadbygging og næringsutvikling.

Me tilbyr

• Ein hektisk arbeidskvardag i ei bygd i utvikling
• Spanande og varierte oppgåver i eit godt tverrfagleg og sosialt miljø
• Gode vilkår for fagleg utvikling
• Gode forsikrings- og pensjonsordningar
• Løn etter kommunalt avtaleverk og elles tilsetjing på vanlege, kommunale vilkår
• Fleksitid

Søkjer du arbeid hjå oss og har ein partnar som gjer det same, finn du mange og spanande stillingar i Voss herad her.  Voss herad - Våre ledige stillingar (easycruit.com)

Arbeidsoppgåver ved avdelinga

• Handsaming av byggje- og delesøknadar etter plan og bygningslova
• Informasjon og rettleiing av kundar
• Matrikkelføring
• Seksjonering
• Handsaming av klagesaker
• Tilsyn, oppfølging av ulovlege tiltak mm
• Førebuing av saker til politisk sakshandsaming 

Me ynskjer at du har

• Relevant utdanning frå universitet eller høgskule innan juss, eigedom eller byggfag
• Erfaring innanfor plan- og bygningsrett og kjennskap til offentleg forvaltning er ein fordel
• God skriftleg og munnleg framstillingsevne. Kommunen nyttar nynorsk som målform
• Gode samarbeidsevner
• Relevant og lang arbeidserfaring kan kompensera for manglande formell utdanning

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.Menn vert oppmoda om å søkja

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlegheitslova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver venleg og legg ved vitnemål og attestar i søknaden.