100% fast stilling som spesialist i allmennmedisin

Er du glad i system, fagleg utvikling, natur og gode kollegaer så søkjer Voss legekontor etter spesialist i allmennmedisin. Me ser etter deg som kan fungere som en nestor for vårt unge og lovande kollegium, og som kan bidra med seniorkompetanse og fagleg utvikling av våre allmennmedisinske tenester ved kontoret, og da med et særleg ansvar for veiledning av våre leger i spesialisering.

Om arbeidsstaden
Voss legekontor har nye og topp moderne lokale i Knutepunktet like ved togstasjonen på Vossevangen. Det er kort avstand til samarbeidsinstanser som NAV, PPT og Helsestasjon då dei er lokalisert i same bygg. Det er også kort veg til legevakta som held til ved Voss sjukehus.
Til saman har me 9 fastlegeheimlar , 1 LIS1 lege, 6 sjukepleiarar, 1 helsesekretær og 1 sekretær ved legekontoret. Det er eit godt arbeidsmiljø
Kontoret nyttar InfoDoc Plenario journalsystem.
Til saman har Voss herad per i dag 20 fastlegeheimlar og 2 LIS1-stillingar. Voss er vertskommune for eit interkommunalt samarbeid om legevakt i distriktet (Voss IKL). Legevakta er velfungerande og for tida lokalisert i same lokale som akuttmottaket på Voss Sjukehus. Dette gir eit godt fagmiljø med kompetente legar og sjukepleiarar. Vaktbelastning er per dags dato ca. 1-4 vakter i månaden
Stillinga er oppdelt slik:
20 % for å ha eit særleg ansvar for å følgje opp Alis utdanning ved legekontoret
80 % som fastlege

Arbeidsoppgåver
• kurativ legeteneste ved Voss legekontor.
• kvalitetsutvikling og internkontroll knytt til allmennmedisin
• et overordna ansvar for rettleiing av LIS og ALIS legar ved kontoret
• deltaking i opplysnings- og folkehelsearbeid.
• kommunalt helsearbeid som arbeid ved, sjukeheim, helsestasjonen og/eller i skulehelsetenesta kan være aktuelt.
• løypande oppgåve knytt til kvalitetsforbetring og utviklingsarbeid.
• inntil ein dag i veka med deltaking i daglegevaktordning lokalt for Voss herad i tillegg til ordinære vakter ved Voss IKL.

Kvalifikasjonar
• norsk autorisasjon som lege.
• spesialist i allmennmedisin

Me søkjer etter
• deg som har gode norskkunnskapar både skriftleg og munnleg.
• innehar førarkort klasse B

Personlege eigenskapar vil verta vektlagt.
Godkjend politiattest må framleggas før tiltreding i heimelen.

Me tilbyr
• gode vilkår for fagleg utvikling og rettleiing.
• eit godt tverrfagleg og sosialt miljø.
• gode forsikrings- og pensjonsordningar.
• fastløn etter avtale

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Ber om at du lastar opp vitnemål og attestar i søknaden