Fagarbeidar/Miljørettleiar Vangen skule

Vangen skule har ledig ei fast stilling og eit vikariat opp til 100% stilling som miljørettleiar/fagarbeidar/assistent frå 1. januar 2025 eller etter avtale. Vikariatet er til 1. september 2025 med moglegheit for forlenging.

Tilsetting er snarast, og kan verte gjort i utlysningsperioden. 

Om arbeidsstaden

Vangen skule er ein 1.-7. skule som ligg i sentrum av Voss og har omlag 235 elevar og 100 born på SFO. Skulen ligg i naturskjønne omgjevnader med kort veg til idrettsbane, bibliotek, symjehall, gondolbane og andre fasilitetar. Det er kort gangavstand frå jernbanestasjon og buss-stasjon. Satsingsområde er inkluderande skulemiljø med hovudfokus på sosial læring og utvikling. 

Arbeidsoppgåver

• arbeidsoppgåvene vil i størst grad vera knytt opp til skule og SFO, med oppfylging av born i undervisning, aktivitet og leik
• samarbeide i team om oppfylging av born/elevar som har utfordringar innan autismespekteret

Kvalifikasjonar

• fagarbeidar med fagbrev som barne- og ungdomsarbeidar, eller miljørettleiar med utdanning innen sosialt arbeid, vernepleie, pedagogikk eller annen relevant høgskuleutdanning
• anna relevant utdanning/arbeidserfaring kan bli vurdert
• gode norskkunnskapar, både skriftleg og munnleg

Me ynskjer:

• at du har utdanning/arbeidserfaring innan autisimespekteret.
• deg som tek ansvar, er strukturert og kan handtere ein hektisk arbeidskvardag
• deg som er engasjert og positiv
• deg som er ein tydleg vaksen overfor borna, samt ein god rollemodell som bygger gode relasjonar, lyttar og ser deira behov
• deg som bidreg til eit godt arbeidsmiljø

Me tilbyr

• gode vilkår for fagleg utvikling
• eit godt tverrfagleg og sosialt miljø
• gode forsikrings- og pensjonsordningar
• løn etter kommunalt avtaleverk og elles tilsetjing på vanlege kommunale vilkår

Godkjent politiattest må leggjast fram før tiltreding i stillinga.

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ber om at du lastar opp vitnemål og attestar i søknaden.