Grunnskulelærar Vangen skule

Om skulen

Vangen skule er ein 1.-7. skule som ligg i sentrum av Voss og har omlag 235 elevar. Skulen ligg i naturskjønne omgjevnader med kort veg til idrettsbane, bibliotek, symjehall, gondolbane og andre fasilitetar. Det er kort gangavstand frå jernbanestasjon og buss-stasjon. Satsingsområde er inkluderande skulemiljø med hovudfokus på sosial læring og utvikling. 

Me har ledige stillingar som grunnskulelærar med tiltreding snarast.

Stillingane er både faste og i vikariat.

Primært ynskjer me å tilsetje i 100 % stilling, men ein kan søkje på delar av stillinga.

Arbeidsoppgåver

• undervisning på 1. - 7. trinn.
• planleggje, gjennomføre og vurdere læringsarbeidet
• sikre at alle elevane opplever meistring og god utvikling fagleg og sosialt
• kontaktlærarfunksjon kan bli lagt til stillinga

Me søkjer deg som har

• har undervisningskompetanse for grunnskulen

Me ysnkjer at du

• har undervisningskompetanse i minst eit av basisfaga norsk, matematikk eller engelsk
• har spesialpedagogisk kompetanse, anna relevant pedagogisk utdanning kan verte vurdert

Me ynskjer ein kollega

• med eit stort engasjement for elevane si faglege og sosiale utvikling.
• med gode dugleikar i klasseleiing og bidreg aktivt i det profesjonsfaglege fellesskapet
• med god relasjonskompetanse og tek humør og glede med deg i kvardagen

Voss herad tilbyr:

• rekrutteringstillegg på kr 20 000 for dei med grunnskuleutdanning (GLU) ved fyrstegongs tilsetjing i Voss herad.
• gratis årskort på ski ved Voss Resort, Myrkdalen eller Voss ski- og tursenter eller eventuelt årskort i Vossabadet ved fyrstegongs tilsetjing i Voss herad
• kontaktlærartillegg kr 38 000 per år
• god ordning for etter- og vidareutdanning
• ein kultur der me deler kunnskap og erfaring med kvarandre
• eit utviklingsorientert arbeidsmiljø, både personleg og fagleg
• rettleiing for nytilsette/nyutdanna
• gode forsikrings- og pensjonsordningar
• løn etter kommunalt avtaleverk og elles tilsetjing på vanlege kommunale vilkår 

Godkjent politiattest må leggjast fram før tiltreding i stillinga.

Søknad

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifiserte til å søkje jobb hjå oss uansett alder, funksjonsevne, kjønn, eller kulturell bakgrunn.

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ber om at du lastar opp vitnemål og attestar i søknaden.

Søkjer du arbeid hjå oss og har ein partnar som gjer det same, finn du mange og spanande stillingar i Voss herad her. Voss herad - Våre ledige stillingar (easycruit.com)