Assisterande rektor ved Gullfjordungen skule
100 % stilling som assisterande rektor ved Gullfjordungen skule
Stillinga er delt mellom 50 % leiing og 50 % undervisning
Gullfjordungen skule er ein barneskule for 1-7. klasse, med 153 born og 26 tilsette. Skulen ligg 2 km frå Vangen (sentrum), med flott utsikt over Vangsvatnet og Gråsida. Du kan lesa meir om skulen her: Gullfjordungen skule - Voss herad
Assisterande rektor er rektor sin næraste samarbeidspartnar og er vikar ved behov. Assisterande rektor har ansvar for ulike trinn, arbeider for eit godt skule- og klassemiljø, og er med å skapar retning i skulen sitt utviklingsarbeid. Me søkjer ein skuleleiar som kan medverka til å vidareutvikla skulen som ein lærande organisasjon.
Me tilbyr
- Ein spanande stilling med moglegheit for utvikling i ei kunnskapsbedrift med høg kompetanse
- Ein skule som er oppteken av felles kollektiv kompetanseheving og kvalitetsutvikling
- Gode støttefunksjonar innan fag, personale og økonomi
- Gode forsikrings- og pensjonsordningar
- Løn etter kommunalt avtaleverk og elles tilsetjing på vanlege kommunale vilkår
Søkjer du arbeid hjå oss og har ein partnar som gjer det same, finn du mange og spanande stillingar i Voss herad her. Voss herad - Våre ledige stillingar (easycruit.com)
Kvalifikasjonar:
- Relevant pedagogisk utdanning frå høgskule eller universitetsnivå
- Relevant leiarerfaring er ein fordel, men ikkje eit krav
Arbeidsoppgåver:
- Vera vikar for rektor og avlasta rektor med administrative oppgåver, inkludert personaladministrasjon
- I samarbeid med rektor:
- leia og vidareutvikle skulen sitt profesjonsfellesskap
- leia det pedagogiske utviklingsarbeidet
- fylgja opp resultat frå kartleggingsprøvar
- leia og motivera medarbeidarar til samarbeid og målretta innsats til det beste for elevane
- sikra god elevmedverknad, samt eit godt samarbeid med føresette og eksterne samarbeidspartnarar
- fylgja opp heradet sine satsingar og nasjonale føringar for grunnskuleopplæringa
Personlege eigenskapar:
- høg arbeidskapasitet, er fleksibel og engasjert
- fagleg oppdatert og arbeider for å nå gode resultat
- inspirerer, involverer og er tydeleg på skulen sitt oppdrag
- god på å byggja relasjonar
- god munnleg og skriftleg framstilling
- god digital kompetanse
Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Ver vennleg og legg ved vitnemål og attestar til søknaden.
Del på:
Referansenummer:
Assisterande rektor
Fylke:
- Vestland
Jobbtype:
Fast
Heiltid/Deltid:
Heiltid
Arbeidstid:
Dag
Søknadsfrist:
22.09.2024
Tiltreding:
01.11.2024
Arbeidsstad:
Voss herad
Kontaktpersonar:
tlf: +47 91874207
Heimeside:
https://voss.herad.no/Adresse:
Geili 8 5704 Voss