Vikariat 100% vernepleiar/fagarbeidar

Kommunalavdeling helse og omsorg ynskjer medarbeidarar som er opptekne av faget sitt og har eit ynskje om å utvikla seg. Er du ein slik person så er du hjarteleg velkomen til å arbeida saman med oss i Voss herad sine helsetenester. Hjå oss vil du få moglegheit til å påverka tenestene. Me nyttar forsking og erfaringskunnskap og har alltid tenestemottakar i sentrum  når me planlegg korleis tenester for morgondagen skal vera. For å møta utfordringar i framtida har me auka fokus på førebygging og tidleg innsats.

Om avdelinga:

• Stillinga er i avdeling for menneske med nedsett funksjonsevne: 
• Villa Gjerdebu avlastning er ein avlastningsheim for born og unge med nedsett funksjonsevne.
• På Villa Gjerdebu er det 21 brukarar, derav 2 fastbuande. 

Arbeidsoppgåver:

• Tilsett skal vera ein støtte og rollemodell for brukar på alle områder. Me legg vekt på brukardeltaking.
• Tilsette skal ha fokus på aktivitet og hjelp til sjølvhjelp.
• I helgar er det godt fokus på aktivitet og individuelle ynskjer.
• Arbeidsoppgåvene varierer frå stell og pleie, huslege gjeremål til trening, oppfylging av helse, samarbeid med andre etatar og pårørande.
• Alle barn og unge har tiltaksplanar og dokumentasjon skal gjerast i fagprogrammet Gerica.
• Du må kunna nytta dataverktøy

• Verdiane våre er: profesjonell - påliteleg - skapande - inkluderande 

Tidsrom: 

• 01.12.23- 01.12.24  med mogleg forlenging

Kvalifikasjonar:

• Vernepleiar blir føretrekt men andre med relevant høgskuleutdanning kan bli vurdert.
• Fagarbeidar med relevant utdanning. 

Personlege eigenskapar som vil verta vektlagt: 

• Kunne prata og skriva godt norsk.
• Du må kunne byggja og vedlikehalda gode relasjoner.
• Vera ein trygg vaksen både for brukar og pårørande.
• Pliktoppfyllande og ansvarsfull.
• Kunne arbeida sjølvstendig og i team.
• Ha interesse for å jobba med mennesker med ulike utfordringar.
• Setja brukar sitt behov i fokus.
• Er kreativ og løysningsorientert.
• Er glad i å vera aktiv.
• Har evne til å skapa åpenheit, tillit og tryggheit.

Det er ein fordel med erfaring og kjennskap til omsorgsarbeid og brukargruppa.

Du må ha bilsertifikat

 Godkjend politiattest må framleggjast før tiltreding i stillinga

Me tilbyr:

• gode vilkår for fagleg utvikling
• eit godt tverrfagleg og sosialt miljø
• yrkesskade- og gruppelivsforsikring
• gode pensjonsordningar
• løn etter kommunalt avtaleverk og elles tilsetjing på vanlege kommunale vilkår

Godkjent politiattest må leggjast fram før tiltreding i stillinga

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ber om at du lastar opp vitnemål og attestar i søknaden.